გურული ჩხავერი ქვევრში, თოფურიძეების ოჯახი

„იბერიელი“ ზურაბ თოფურიძის საოჯახო მეურნეობაა. ოჯახს ორი მარანი და ორი ვენახი აქვს: გურიაში, ჩოხატაურის მუნიციპალიტეტის სოფელ საყვავისტყეში, და კახეთში, წინანდალში.
გურიაში ნოტიო ჰავაა, ცხელი ზაფხული და რბილი ზამთარი, ნიადაგები კი ყავისფერი და წითელმიწაა, გამოფიტულ ბაზალტებზე. აქ იზრდება ჩხავერი, ვარდისფერკანიანი გურული ყურძენი: მისგან მეურნეობა მსუბუქ წითელ ღვინოს და ბუნებრივად ცქრიალა ქარვისფერ ღვინოს აყენებს. კახეთში, თელიანის ალუვიურ ნიადაგებზე, საფერავი, რქაწითელი, ქისი, ხიხვი და მწვანე იზრდება.
ღვინოები ნატურალურია: ისინი ქვევრში, ბუნებრივი საფუვრით დუღს, როგორც წესი, ფილტრაციის გარეშე, გოგირდს კი მხოლოდ ჩამოსხმისას და მცირე დოზით უმატებენ. სახელი ზურაბის შვილებმა შეარჩიეს: იბერიელებს, კავკასიის ძველ ხალხს, რომლისგანაც ქართველები წარმოიშვნენ, მეღვინეობის გამომგონებლებად მიიჩნევენ. საქმე რამდენიმე ყუთი ღვინით დაიწყო, დღეს კი „იბერიელის“ ღვინოები ევროპაში, აშშ-ში, იაპონიასა და ავსტრალიაში იყიდება.